யாழ்ப்பாணம் கொட்டடியில் புதைத்து வைக்கப்பட்டிருந்த ஆயுதங்கள் மீட்பு!

யாழ்ப்பாணம், கொட்டடி பகுதியில் அமைந்துள்ள தனியார் காணி ஒன்றில், கழிவுநீர் குழி அமைப்பதற்காக நிலத்தைத் தோண்டியபோது, மண்ணுக்குள் புதைத்து வைக்கப்பட்டிருந்த நிலையில் பெருமளவிலான ஆயுதங்கள் மற்றும் வெடிபொருட்கள் கண்டெடுக்கப்பட்டுள்ளன. ​மீட்கப்பட்ட பொருட்கள்: ​துருப்பிடித்த நிலையில் சுமார் 30 T-56 ரக துப்பாக்கிகள். ​சுமார் 5,000 ரக தோட்டாக்களும் இதன்போது மீட்கப்பட்டுள்ளன. ​குறித்த பகுதியில் இயந்திரம் மூலம் நிலத்தைத் தோண்டிக் கொண்டிருந்தபோது, சந்தேகத்திற்கிடமான பார்சல்கள் தென்பட்டதை அடுத்து, இது குறித்து பாதுகாப்புத் தரப்பினருக்குத் தகவல் வழங்கப்பட்டது. சம்பவ இடத்திற்கு விரைந்த பாதுகாப்புப் படையினர், மண்ணுக்குள் மறைத்து வைக்கப்பட்டிருந்த குறித்த ஆயுதங்களை மீட்டெடுத்தனர். ​கடந்த யுத்த காலப்பகுதியில், விடுதலைப் புலிகள் அமைப்பினரால் பாதுகாப்பாக நிலத்துக்குள் புதைத்து வைக்கப்பட்டிருக்கலாம் என பாதுகாப்புத் தரப்பினர் சந்தேகம் வெளியிட்டுள்ளனர். இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்